N90567F1

Xəbər verdiyimiz kimi, “Xəzər-Lənkəran” – “Turan” qarşılaşması AFFA-nın Tovuz klubuna verdiyi dəstəyin nəticəsində təxirə salınmışdı. Bununla bağlı, ölkə mətbuatında gedən yazılarda da qurumun bu hərəkəti kəskin şəkildə tənqid olunub. Eyni zamanda, “Xəzər-Lənkəran” futbol klubu AFFA-nın xüsusilə baş katib Fuad Əsədovun komandamıza qarşı qərəzli mövqeyi ilə bağlı qurumun prezidenti Ramiz Mirzəyevə etiraz məktubu göndərib.

“Xəzər-Lənkəran” – “Turan” matçının təxirə salınması bütün idman mətbuatında geniş narazıçılıq yaradıb. AFFA-nın məlum qərarı ilə bağlı klubun press-relizini diqqətinizə çatdırırıq:

“Xəzər-Lənkəran” – “Turan” oyununun təxirə salınması komandamızın düşərgəsində əhval-ruhiyyəni də korlayıb. Uzun müddətdir rəsmi matçlarda iştirak etməyən futbolçuların bu arzuları yalnız üçüncü turda reallaşacaq. “Şəfa”nın dağılması nəticəsində “Xəzər-Lənkəran” ikinci turda meydançaya çıxa bilməyəcək. 

İkinci dövrənin ilk turunda mərkəzi qarşılaşma Tofiq Bəhrəmov adına Respublika stadionunda keçirildi. Çempionluq iddiasında olan iki klub – “Neftçi” və “Bakı” münasibətlərini paytaxt derbisində aydınlaşdırırdı. Respublikanın mərkəzi arenasına yığışan minlərlə azarkeş hər iki komandanın ifasında amansız mübarizənin şahidi oldular.

Bu gün ikinci dövrənin ilk turunun oyunları başa çatdı. Təəssüf ki, “Xəzər-Lənkəran”a bu turda meydançaya çıxmaq müyəssər olmadı. Belə ki, “Turan”la keçirilməli olan qarşılaşma Cəlilabad şəhər stadionundakı qazonun əlverişsiz vəziyyətdə olması səbəbi ilə təxirə salındı.