Azərbaycan xalqı bu gün qanlı yanvar faciəsinin 22-ci ildönümünü qeyd edir. 20 yanvar 1990-cı ildə Sovet ordusunun hissələri  vətənimizə təcavüz edərək respublikamızın dinc əhalisinə qarşı amansızlıq nümayiş etmişdi. Nəticədə yüzlərlə həmvətənlərimiz şəhid olmuşdular. Ancaq bu qəddarlıq millətimizin azadlıq istəyini öldürə bilmədi və həmin hadisələr vətənimizin qəhrəmanlıq salnaməsinə çevrildi. Faciədən artıq 22 il keçir və biz hər il olduğu kimi bu il də şəhidlərimizi dərin ehtiramla yad edirik.

 

“Xəzər Lənkəran” futbol klubu Azərbaycan xalqının kədərinə şərik çıxır, vətənimizin azadlığı uğrunda canlarını verən insanların qohum-əqrəbalarına səbr diləyir.